இலங்கைக் குழாமில் இளம் வீரர்

இங்கிலாந்து அணிக்கெதிரான 3ஆவது டெஸ்ட் போட்டிக்கான இலங்கைக் குழாமில், இளம் சுழற்பந்து வீச்சாளரான நிஷான் பீரிஸ் சேர்க்கப்பட்டுள்ளார்.

இருபத்தொரு (21) வயதான நிஷான் பீரிஸ், ஓஃப் ஸ்பின் வீசும் வீரராவார்.

இங்கிலாந்துக்கெதிரான முதலிரு போட்டிகளிலும் விளையாடியிருந்த சுழற்பந்து வீச்சாளரான அகில தனஞ்சய, அவரது பந்துவீச்சுப் பாணி குறித்து எழுந்துள்ள சந்தேகத்தைத் தொடர்ந்து, அதைப் பரீட்சிப்பதற்காக அவுஸ்திரேலியா சென்றுள்ள நிலையிலேயே, அவருக்குப் பதிலாக, நிஷான் பீரிஸ் இணைக்கப்பட்டுள்ளார்.

இரு அணிகளுக்குமிடையிலான மூன்றாவது டெஸ்ட் போட்டி, எதிர்வரும் வெள்ளிக்கிழமை ஆரம்பிக்கவுள்ளமை குறிப்பிடத்தக்கது.