இலங்கைக்கெதிரான 2ஆவது டெஸ்டில் 492 ஓட்டங்களைக் குவித்த அயர்லாந்து

இலங்கைக்கு எதிரான இரண்டாவது டெஸ்டின் தமது முதலாவது இனிங்ஸில் சகல விக்கெட்டுகளையும் இழந்து 492 ஓட்டங்களைப் பெற்றது.

இரண்டு போட்டிகள் கொண்ட இத்தொடரின் முதலாவது போட்டியில் இலங்கை வென்ற நிலையில், காலியில் நேற்று ஆரம்பித்த இப்போட்டியில் முதலில் துடுப்பெடுத்தாடிய அயர்லாந்து, கேர்ட்டிஸ் கம்பரின் 111, போல் ஸ்டேர்லிங்கின் 103, அணித்தலைவர் அன்டி போல்பிரயனின் 95, லொர்கன் டக்கரின் 80, அன்டி மக்பிரயனின் 35 ஓட்டங்களோடே இன்றைய இரண்டாம் நாளில் தமது முதலாவது இனிங்ஸில் சகல விக்கெட்டுகளையும் இழந்து 492 ஓட்டங்களைப் பெற்றது. பந்துவீச்சில், பிரபாத் ஜெயசூரிய 5, அசித பெர்ணாண்டோ, விஷ்வ பெர்ணாண்டோ ஆகியோர் தலா 2 விக்கெட்டுகளையும், ரமேஷ் மென்டிஸ் ஒரு விக்கெட்டையும் வீழ்த்தினர்.