இலங்கையை வீழ்த்திய நியூசிலாந்து

இலங்கைக்கு எதிரான இரண்டாவது இருபதுக்கு – 20 சர்வதேசப் போட்டியில் நியூசிலாந்து வென்றது.

மூன்று போட்டிகள் கொண்ட இத்தொடரில், டுனேடினில் இன்று நடைபெற்ற இரண்டாவது போட்டியின் நாணயச் சுழற்சியில் வென்ற நியூசிலாந்தின் பதிலணித்தலைவர் டொம் லேதம், தமதணி முதலில் களத்தடுப்பிலீடுபடும் என அறிவித்தார். இலங்கையணியில் கடந்த போட்டியில் விளையாடிய சாமிக கருணாரத்னவை கசுன் ராஜித பிரதியிட்டிருந்தார்.

அந்தவகையில் முதலில் துடுப்பெடுத்தாடிய இலங்கை, 19 ஓவர்களில் சகல விக்கெட்டுகளையும் இழந்து 141 ஓட்டங்களைப் பெற்றது. துடுப்பாட்டத்தில், தனஞ்சய டி சில்வா 37 (26), குசல் பெரேரா 35 (32), சரித் அஸலங்க 24 (19), குசல் மென்டிஸ் 10 (05) ஓட்டங்களைப் பெற்றனர். பந்துவீச்சில், அடம் மில்ன் 5/26 [4], பென் லிஸ்டர் 2/26 [4], ரஷின் ரவீந்திரா 1/24 [3], ஹென்றி ஷிப்லே 1/25 [3])

பதிலுக்கு 142 ஓட்டங்களை வெற்றியிலக்காகக் கொண்டு துடுப்பெடுத்தாடிய நியூசிலாந்து, 14.4 ஓவர்களில் ஒரு விக்கெட்டை இழந்த நிலையில் வெற்றியிலக்கையடைந்தது. துடுப்பாட்டத்தில், டிம் செய்ஃபேர்ட் ஆட்டமிழக்காமல் 79 (43), சட் போவ்ஸ் 31 (15), லேதம் 20 (30) ஓட்டங்களைப் பெற்றனர்.

இப்போட்டியின் நாயகனாக மில்ன் தெரிவானார்.