உலகக் கிண்ணத்தில் பப்புவா நியூ கினி

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடருக்கு பப்புவா நியூ கினி, அயர்லாந்து ஆகியன தகுதிபெற்றுள்ளன.

ஐக்கிய அரபு அமீரகத்தில் நடைபெற்றுவரும் சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடருக்கான தகுதிகாண் போட்டிகளில், தத்தமது குழுக்களில் முதலிடங்களைப் பெற்றதைத் தொடர்ந்தே பப்புவா நியூ கினி, அயர்லாந்து ஆகியன அடுத்தாண்டு நடைபெறவுள்ள இருபதுக்கு – 20 உலகக் கிண்ணத் தொடருக்கு நேரடியாகத் தகுதிபெற்றுள்ளன.

இந்நிலையில், தகுதிகாண் போட்டிகளின் குழுநிலைப் போட்டிகள் முடிவடைந்துள்ள நிலையில் மற்றைய உலகக் கிண்ண இடங்களுக்கான தகுதிப் போட்டிகளில் ஐக்கிய அரபு அமீரகம், நெதர்லாந்து, நமீபியா, ஓமான், ஸ்கொட்லாந்து, ஹொங் கொங் ஆகியன தமக்கிடையே போட்டியிடுகின்றன.