உலகக் கிண்ணம்: உருகுவேயை வென்ற போர்த்துக்கல்

கட்டாரில் நடைபெற்று வரும் கால்பந்தாட்ட உலகக் கிண்ணத் தொடரில், இன்று அதிகாலை நடைபெற்ற உருகுவே உடனான குழு எச் போட்டியில் 2-0 என்ற கோல் கணக்கில் வென்ற போர்த்துக்கல், இறுதி 16 அணிகளுக்கான சுற்றுக்குத் தகுதி பெற்றுள்ளது.

போர்த்துக்கல் சார்பாகப் பெறப்பட்ட இரண்டு கோல்களையும் புரூனோ பெர்ணாண்டஸ் பெற்றிருந்தார்.

இதேவேளை, நேற்றிரவு நடைபெற்ற சுவிற்ஸர்லாந்துடனான குழு ஜி போட்டியில் கஸேமீரோ பெற்ற கோலுடன் 1-0 என்ற கோல் கணக்கில் பிரேஸில் வென்று இறுதி 16 அணிகளுக்கான சுற்றுக்குத் தகுதி பெற்றது.

இந்நிலையில், நேற்று மாலை நடைபெற்ற தென் கொரியாவுடனான குழு எச் போட்டியில் 3-2 என்ற கோல் கணக்கில் கானா வென்றதுடன், கமரூன் மற்றும் சேர்பியாவிக்கிடையேயான குழு ஜி போட்டியானது 3-3 என்ற கோல் கணக்கில் சமநிலையில் முடிவடைந்தது.