‘எந்தத் தேர்வாளரும் எனக்குக் கூறவில்லை’

நியூசிலாந்துக்கெதிரான இருபதுக்கு – 20 சர்வதேசப் போட்டித் தொடரே, தனது இறுதித் தொடர் என எந்தத் தேர்வாளரும் தனக்குக் கூறவில்லையென, இந்திய அணியின் சிரேஷ்ட வேகப்பந்துவீச்சாளர் ஆஷிஷ் நெஹ்ரா தெரிவித்துள்ளார்.

டெல்லியில்,  இடம்பெற்ற நியூசிலாந்துக்கெதிரான முதலாவது இருபதுக்கு – 20 சர்வதேசப் போட்டியுடன் நெஹ்ரா ஓய்வு பெற்றிருந்த நிலையில், நியூசிலாந்துக்கெதிரான இருபதுக்கு – 20 சர்வதேசப் போட்டித் தொடரைத் தாண்டி நியூசிலாந்து கருத்திற் கொள்ளப்பட மாட்டார் என தேர்வாளர்கள் குழுவின் தலைவர் எம்.எஸ்.கே பிரசாத் தெரிவித்திருந்தார் என்பது குறிப்பிடத்தக்கது.

17 டெஸ்ட் போட்டிகளில் விளையாடிய நெஹ்ரா, 44 விக்கெட்டுகளைக் கைப்பற்றியதோடு, 120 ஒருநாள் சர்வதேசப் போட்டிகளில் 157 விக்கெட்டுகளைக் கைப்பற்றியதோடு, 27 இருபதுக்கு – 20 சர்வதேசப் போட்டிகளில் 34 விக்கெட்டுகளைக் கைப்பற்றியிருந்தார்.