எவெர்ற்றனை வென்ற செல்சி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், செல்சியின் மைதானத்தில் நேற்று நடைபெற்ற செல்சிக்கும், எவெர்ற்றனுக்குமிடையிலான போட்டியில் 2-0 என்ற கோல் கணக்கில் செல்சி வென்றது.

செல்சி சார்பாக, ஜோர்ஜினியோ ஒரு கோலைப் பெற்றிருந்ததோடு, மற்றைய கோல் ஓவ்ண் கோல் முறையில் பெறப்பட்டிருந்தது.

அந்தவகையில், பிறீமியர் லீக் புள்ளிகள் தரவரிசையில், 65 புள்ளிகளுடன் முதலாமிடத்தில் மன்செஸ்டர் சிற்றி காணப்படுகின்றது. 54 புள்ளிகளுடன் இரண்டாமிடத்தில் மன்செஸ்டர் யுனைட்டெட்டும், 53 புள்ளிகளுடன் லெய்செஸ்டர் சிற்றியும், 50 புள்ளிகளுடன் செல்சியும் காணப்படுகின்றது.