ஓய்வு பெற்ற டி கிரான்ட்ஹொம்

சர்வதேசக் கிரிக்கெட்டிலிருந்து ஓய்வு பெறுவதாக நியூசிலாந்தின் சகலதுறை வீரர் கொலின் டி கிரான்ட்ஹொம் அறிவித்துள்ளார்.

கடந்த 2012ஆம் ஆண்டு அறிமுகத்தை மேற்கொண்ட 36 வயதான டி கிரான்ட்ஹொம், 29 டெஸ்ட்களில் 38.70 என்ற சராசரியில் 1,432 ஓட்டங்களைப் பெற்றதோடு, 49 விக்கெட்டுகளையும் கைப்பற்றியுள்ளார். தவிர, 45 ஒருநாள் சர்வதேசப் போட்டிகளில் 742 ஓட்டங்களைப் பெற்றுள்ளதோடு, 30 விக்கெட்டுகளையும் கைப்பற்றியுள்ளார். இதேவேளை, 41 இருபதுக்கு – 20 சர்வதேசப் போட்டிகளில் 505 ஓட்டங்களைப் பெற்றதோடு 12 விக்கெட்டுகளையும் கைப்பற்றியுள்ளார்.