கவாஜாவின் எதிர்காலம் குறித்து பேச்சுக்களில்லை

அவுஸ்திரேலியாவின் உஸ்மான் கவாஜாவின் எதிர்காலம் குறித்து எவ்விதக் கலந்துரையாடல்களைக் கொண்டிருக்கவில்லையென அவ்வணியின் பயிற்சியாளர் அன்றூ மக்டொனால்ட் தெரிவித்துள்ளார்.

இங்கிலாந்துக்கெதிரான ஐந்தாவது டெஸ்ட் போட்டியைத் தொடர்ந்து மீண்டும் எதிர்வரும் ஓகஸ்டிலேயே அவுஸ்திரேலியா டெஸ்ட் போட்டியொன்றில் விளையாடவுள்ள நிலையில், இந்த ஐந்தாவது ஆஷஸ் போட்டியே 39 வயதான கவாஜாவின் இறுதிப் போட்டியாக இருக்குமென்று கூறப்படுகின்ற நிலையிலேயே மக்டொனால்டின் குறித்த கருத்துகள் வெளியாகியுள்ளது.

இந்நிலையில் நடப்பாண்டில் கவாஜாவின் பெறுபேறுகள் காரணமாக சிட்னியில் நடைபெறவுள்ள ஐந்தாவது போட்டியில் விளையாடுவாரென மக்டொனால்ட் மேலும் தெரிவித்துள்ளார்.