சமநிலையில் செல்சி – வில்லா போட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், செல்சியின் மைதானத்தில் நேற்றிரவு நடைபெற்ற அவ்வணிக்கும், அஸ்டன் வில்லாவுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

செல்சி சார்பாகப் பெறப்பட்ட கோலை ஒலிவியர் ஜிரூட் பெற்றதோடு, வில்லா சார்பாகப் பெறப்பட்ட கோலை அன்வர் எல் கஸி பெற்றிருந்தார்.

இந்நிலையில், கிறிஸ்டல் பலஸின் மைதானத்தில் நடைபெற்ற அவ்வணியுடனான போட்டியை 1-1 என்ற கோல் கணக்கில் லெய்செஸ்டர் சிற்றி சமநிலையில் முடித்திருந்தது. லெய்செஸ்டர் சார்பாகப் பெறப்பட்ட கோலை ஹார்வி பார்ன்ஸ் பெற்றதோடு, பலஸ் சார்பாகப் பெறப்பட்ட கோலை வில்பிரைட் ஸாகா பெற்றிருந்தார்.