சமநிலையில் றியல் மட்ரிட் – எல்ஷே போட்டி

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், எல்ஷேயின் மைதானத்தில் இன்று அதிகாலை நடைபெற்ற அவ்வணிக்கும், நடப்புச் சம்பியன்களான றியல் மட்ரிட்டுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

றியல் மட்ரிட் சார்பாகப் பெறப்பட்ட கோலை லூகா மோட்ரிட்ச் பெற்றதோடு, எல்ஷே சார்பாகப் பெறப்பட்ட கோலை பிடெல் சாவேஸ் பெற்றிருந்தார்.

இந்நிலையில், கிரெனடாவின் மைதானத்தில் நேற்றிரவு நடைபெற்ற அவ்வணியுடனான போட்டியில் 1-2 என்ற கோல் கணக்கில் வலென்சியா தோல்வியடைந்தது. வலென்சியா சார்பாகப் பெறப்பட்ட கோலை கெவின் கமெய்ரோ பெற்றதோடு, கிரெனடா சார்பாக கெனடி, ஜோர்ஜ் மொலினா ஆகியோர் தலா ஒவ்வொரு கோலைப் பெற்றனர்.