சிற்றி செல்லும் ஹக்கிமி?

இங்கிலாந்து பிறீமியர் லீக் கால்பந்தாட்டக் கழகமான மன்செஸ்டர் சிற்றியின் பின்களவீரரான கைல் வோக்கரின் பிரதியீடாக பிரெஞ்சு லீக் 1 கழகமான பரிஸ் ஸா ஜெர்மைனின் பின்களவீரரான அஷ்ரஃப் ஹக்கிமியை அக்கழகம் அடையாளப்படுத்தியுள்ளது.

ஜேர்மனிய புண்டெலிஸ்கா கழகமான பயேர்ண் மியூனிச்சுக்கு இப்பருவகாலத்தில் 33 வயதான வோக்கர் செல்வாரெனக் கருதப்படுகிறது. வோக்கருக்கு பெப் குவார்டியோலாவின் கீழ் கடந்த பருவகாலத்தில் தொடர்ச்சியான ஆரம்பங்கள் வழங்கப்படவில்லை.