ஜுவன்டஸ், நாப்போலி வென்றன

இத்தாலிய சீரி ஏ தொடரில் இடம்பெற்ற போட்டிகளில் ஜுவன்டஸும் நாப்போலியும் வென்றுள்ளன.

தமது மைதானத்தில், நேற்று இடம்பெற்ற லேஸியோவுடனான போட்டியில் 2-0 என்ற கோல் கணக்கில் ஜுவன்டஸ் வென்றிருந்தது. ஜுவன்டஸ் சார்பாக, மிரலம் பிஜானிக், மரியோ மண்டூஸிக் ஆகியோர் தலா ஒவ்வொரு கோலைப் பெற்றனர்.

இதேவேளை, தமது மைதானத்தில் இன்று இடம்பெற்ற ஏ.சி மிலனுடனான போட்டியில் 3-2 என்ற கோல் கணக்கில் நாப்போலி வென்றிருந்தது. நாப்போலி சார்பாக, பியோத்தர் ஜினீஸ்கி இரண்டு கோல்களையும் ட்ரைஸ் மேர்ட்டன்ஸ் ஒரு கோலையும் பெற்றனர். ஏ.சி மிலன் சார்பாக, ஜாகோமோ பொனவெந்துரா, டாவிடே கலாப்ரியா ஆகியோர் தலா ஒவ்வொரு கோலைப் பெற்றனர்.