ஜுவென்டஸிலிருந்து விலகும் வொஜெக் ஷிஸன்ஸ்கி

இத்தாலிய சீரி ஏ கால்பந்தாட்டக் கழகமான ஜுவென்டஸின் கோல் காப்பாளரான வொஜெக் ஷிஸன்ஸ்கி கழகத்தை விட்டு வெளியேறியுள்ளதாக அக்கழகம் புதன்கிழமை (14) தெரிவித்துள்ளது.

இன்னும் ஓராண்டுள்ள தனது ஒப்பந்தத்தை முடிவுக்கு கொண்டு வர பொதுவாக இணங்கியதையடுத்தே ஜுவென்டஸிலிருந்து 34 வயதான ஷிஸன்ஸ்கி வெளியேறியுள்ளார்.

கடந்த 2017ஆம் ஆண்டு இங்கிலாந்து பிறீமியர் லீக் கழகமான ஆர்சனலிலிருந்து ஜுவென்டஸில் இணைந்து 252 போட்டிகளில் விளையாடியிருந்தார்.