நடப்புச் சம்பியன்களை வீழ்த்திய ஜுவென்டஸ்

இத்தாலிய சீரி ஏ தொடரில், தமது மைதானத்தில் ஞாயிற்றுக்கிழமை (25) நடைபெற்ற நடப்புச் சம்பியன்களான நாப்போலியுடனான போட்டியில் 3-0 என்ற கோல் கணக்கில் ஜுவென்டஸ் வென்றது.

ஜுவென்டஸ் சார்பாக ஜொனதன் டேவிட், கெனான் யில்டிஸ், பிலிப் கொஸ்டிச் ஆகியோர் தலா ஒவ்வொரு கோலைப் பெற்றனர்.

இந்நிலையில் தமது மைதானத்தில் இன்று நடைபெற்ற ஏ.சி மிலனுடனான போட்டியை 1-1 என்ற கோல் கணக்கில் றோமா சமப்படுத்தியது. றோமா சார்பாகப் பெறப்பட்ட கோலை லொரென்ஸோ பெல்லகிரினி பெற்றதோடு, மிலன் சார்பாகப் பெறப்பட்ட கோலை கொனி டி வின்டர் பெற்றிருந்தார்.

சீரி ஏ புள்ளிகள் பட்டியலில் 52 புள்ளிகளைப் பெற்று முதலாமிடத்தில் இன்டர் மிலன் காணப்படுகின்றது. 47 புள்ளிகளைப் பெற்று இரண்டாமிடத்தில் ஏ.சி மிலனும், 43 புள்ளிகளை றோமா, நாப்போலி பெற்றுள்ளபோதும் அவற்றுக்கிடையேயான பெறுபேறு காரணமாக மூன்றாம், நான்காமிடங்களில் றோமா, நாப்போலி காணப்படுகின்றன.