நாணய சுழற்சியில் இலங்கை வெற்றி

இலங்கை மற்றும் பாகிஸ்தான் கிரிக்கெட் அணிகளுக்கு இடையிலான முதலாவது டெஸ்ட் கிரிக்கெட் போட்டி ஆரம்பமாகியுள்ளது.

ராவல்பின்டியில் ஆரம்பமாகிய இந்த போட்டியில் நாணய சுழற்சியில் வெற்றிப்பெற்ற இலங்கை அணி முதலில் துடுப்பெடுத்தாட தீர்மானித்துள்ளது.

பாகிஸ்தானுக்கு 2009ஆம் ஆண்டு சுற்றுப்பயணம் மேற்கொண்ட இலங்கையணி தாக்குதலுக்குள்ளான பின்னர் பாகிஸ்தானில் நடைபெறவுள்ள முதலாவது டெஸ்ட் தொடர் என்பதால், பாகிஸ்தானில் தொடர்ந்து டெஸ்ட் போட்டிகள் வெற்றிகரமாக நடைபெறுவதற்கு இத்தொடர் முக்கியத்துவமிக்கதாய் அமைகிறது.

இதேவேளை, சர்வதேச கிரிக்கெட் சபையின் உலக டெஸ்ட் சம்பியன்ஷிப்புக்குள் இத்தொடர் அடங்குகின்ற நிலையில் இத்தொடர் முக்கியத்துவம் பெறுகிறது.

இலங்கை அணி

திமுத் கருணாரத்ன
ஓஷத பெர்ணான்டோ
குசல் மெண்டிஸ்
தினேஸ் சந்திமல்
எஞ்சலோ மெத்யூஸ்
தனஞ்சய டி சில்வா
நிரோஷன் டிக்வெல்ல
தில்ருவன் பெரேரா
விஷ்வ பெர்ணான்டோ
கசுன் ரஜித
லஹிரு குமார

பாகிஸ்தான் அணி

ஷான் மசூட்
அபிட் அலி
அசார் அலி
பாபர் அஸாம்
ஹரிஸ் சொஹில்
ஹசாட்ட சபிக்
மொஹமட் ரிஸ்வான்
உஸ்மான் கான்
மொஹமட் அப்பாஸ்
நசீம் ஷா
ஷயீன் அப்ரிடி

இலங்கையணியைப் பொறுத்தவரையில், அணித்தலைவர் திமுத் கருணாரத்ன, முன்னாள் அணித்தலைவர் அஞ்சலோ மத்தியூஸ், குசல் மென்டிஸ், தனஞ்சய டி சில்வா, நிரோஷன் டிக்வெல்ல, ஒஷாட பெர்ணான்டோ என பலமானதாகவே காணப்படுகிறது.

மறுபக்கமாக பந்துவீச்சைப் பொறுத்தவரையில், லசித் எம்புல்தெனிய, டில்ருவான் பெரேரா என சிறப்பானதாக சுழற்பந்துவீச்சு காணப்படுகின்றபோதும் சுரங்க லக்மாலை டெங்கு காரணமாக இலங்கை இழந்தமை அவ்வணிக்கு பின்னடைவாகக் காணப்படுகிறது. 

அந்தவகையில், சுரங்க லக்மாலின் வகிபாகத்தை லஹிரு குமார, விஷ்வ பெர்ணான்டோ உள்ளிட்டோர் நிறைவேற்றவேண்டியவர்களாகக் காணப்படுகின்றனர்.

இதேவேளை, பாகிஸ்தானைப் பொறுத்தவரை பந்துவீச்சு, துடுப்பாட்டம் என இரண்டுமே பிரச்சினைக்குரியதாகவே காணப்படுகிறது. 

துடுப்பாட்டத்தைப் பொறுத்தவரையில், அணித்தலைவர் அஸார் அலியிலிருந்து அனைவரும் முன்னேற்றத்தைக் காண்பிக்க வேண்டியவர்களாக உள்ளனர்.

அவுஸ்திரேலியாவுக்கெதிரான தொடரில் மோசமாகச் செயற்பட்ட இஃப்திஹார் அஹ்மட்டை குழாமில் ஃபவட் அலம் பிரதியீடு செய்துள்ள நிலையில், அணியிலும் அவரை ஃபவட் அலம் பிரதியிட்டு, பாபர் அஸாம், அசாட் ஷஃபிக், மொஹமட் றிஸ்வான், ஷண் மசூட் போன்றோருடன் துடுப்பாட்டத்துக்கு மேலும் வலுசேர்ப்பார் என எதிர்பார்க்கப்படுகிறது.