நான்காவது தடவையாக சம்பியனான வெர்ஸ்டப்பன்

தொடர்ச்சியாக நான்காவது தடவையாக றெட் புல் அணியின் மக்ஸ் வெர்ஸ்டப்பன் சம்பியனாகியுள்ளார்.

ஞாயிற்றுக்கிழமை (24) நடைபெற்ற லாஸ் வேகாஸ் குரான் பிறீயில் ஐந்தாமிடத்தைப் பெற்று இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் 403 புள்ளிகளைப் பெற்று தனக்கும் பட்டியலில் இரண்டாமிடத்திலுள்ள லான்டோ நொரிஸுக்குமிடையிலான வித்தியாசத்தை எஞ்சியிருக்கின்ற இரண்டு பந்தயங்களில் பெறக்கூடிய 60 புள்ளிகளுக்கும் அதிகமாக்கியதைத் தொடர்ந்தே நெதர்லாந்தின் வெர்ஸ்டப்பன் சம்பியனாகியுள்ளார்.

இப்பந்தயத்தை முதலாமிடத்திலிருந்து ஆரம்பித்த மெர்சிடீஸ் அணியின் ஜோர்ஜ் ரஸல் முதலாமிடத்தைப் பெற்றதோடு, பந்தயத்தை 10ஆம் இடத்திலிருந்து ஆரம்பித்த அவரின் சக மெர்சிடீஸ் அணியின் லூயிஸ் ஹமில்டன் இரண்டாமிடத்தைப் பெற்றதோடு, பந்தயத்தை இரண்டாமிடத்திலிருந்து ஆரம்பித்த பெராரி அணியின் கார்லோஸ் சைன்ஸ் ஜூனியர் மூன்றாமிடத்தைப் பெற்றார்.