நியூசிலாந்தை வென்ற அவுஸ்திரேலியா

நியூசிலாந்துக்கு எதிரான முதலாவது ஒருநாள் சர்வதேசப் போட்டியில் அவுஸ்திரேலியா வென்றது.

மூன்று போட்டிகள் கொண்ட இத்தொடரில், கெய்ன்ஸில் இன்று நடைபெற்ற இப்போட்டியின் நாணயச் சுழற்சியில் வென்ற அவுஸ்திரேலியாவின் அணித்தலைவர் ஆரோன் பின்ஞ், தமதணி முதலில் களத்தடுப்பிலீடுபடும் என அறிவித்தார்.

அந்தவகையில் முதலில் துடுப்பெடுத்தாடிய நியூசிலாந்து, 50 ஓவர்களில் 9 விக்கெட்டுகளை இழந்து 232 ஓட்டங்களைப் பெற்றது. துடுப்பாட்டத்தில், டெவோன் கொன்வே 46 (68), அணித்தலைவர் கேன் வில்லியம்ஸன் 45 (71), டொம் லேதம் 43 (57), டரைல் மிற்செல் 26 (33) ஓட்டங்களைப் பெற்றனர். பந்துவீச்சில், கிளென் மக்ஸ்வெல் 4, ஜொஷ் ஹேசில்வூட் 3, அடம் ஸாம்பா மற்றும் மிற்செல் ஸ்டார்க் ஆகியோர் தலா ஒவ்வொரு விக்கெட்டை வீழ்த்தினர்.

பதிலுக்கு 233 ஓட்டங்களை வெற்றியிலக்காகக் கொண்டு துடுப்பெடுத்தாடிய அவுஸ்திரேலியா, 45 ஓவர்களில் 8 விக்கெட்டுகளை இழந்த நிலையில் வெற்றியிலக்கையடைந்தது. துடுப்பாட்டத்தில், கமரொன் கிறீன் ஆட்டமிழக்காமல் 89 (92), அலெக்ஸ் காரி 85 (99) ஓட்டங்களைப் பெற்றனர். பந்துவீச்சில், ட்ரெண்ட் போல்ட் 4, மற் ஹென்றி மற்றும் லொக்கி பெர்கியூசன் ஆகியோர் தலா 2 விக்கெட்டுகளைக் கைப்பற்றினர்.

இப்போட்டியின் நாயகனாக கமரொன் கிறீன் தெரிவானார்.