பிறைட்டனிடம் தோற்ற ஆர்சனல்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், தமது மைதானத்தில் நேற்று நடைபெற்ற பிறைட்டன் அன்ட் ஹொவ் அல்பியனுடனான போட்டியில் 0-3 என்ற கோல் கணக்கில் ஆர்சனல் தோற்றது.

இந்நிலையில், எவெர்ற்றனின் மைதானத்தில் நடைபெற்ற அவ்வணியுடனான போட்டியில் 3-0 என்ற கோல் கணக்கில் மன்செஸ்டர் சிற்றி வென்றது.

பிறீமியர் லீக் புள்ளிகள் பட்டியலில் 85 புள்ளிகளுடன் முதலாமிடத்தில் நடப்புச் சம்பியன்களான சிற்றி காணப்படுகின்றது. 81 புள்ளிகளுடன் இரண்டாமிடத்தில் ஆர்சனலும், 66 புள்ளிகளுடன் மூன்றாமிடத்தில் நியூகாசில் யுனைட்டெட்டும், அதே புள்ளிகளுடன் ஆனால் கோலெண்ணிக்கை வித்தியாசத்தில் நான்காமிடத்தில் மன்செஸ்டர் யுனைட்டெட்டும் காணப்படுகின்றன. இதில் ஏனைய அணிகளை விட ஆர்சனல் ஒரு போட்டி அதிகமாக விளையாடியுள்ளது.