முதலாவது டெஸ்டை வென்றது நியூசிலாந்து

நியூசிலாந்து, இங்கிலாந்து அணிகளுக்கிடையிலான இரண்டு போட்டிகள் கொண்ட டெஸ்ட் தொடரில், கடந்த வியாழக்கிழமை ஆரம்பமான முதலாவது போட்டியில் நியூசிலாந்து இன்று வென்றது.

தமது இரண்டாவது இனிங்ஸில் 132 ஓட்டங்களுக்கு 3 விக்கெட்டுகளை இழந்தவாறு இன்றைய ஐந்தாம் நாளை ஆரம்பித்த இங்கிலாந்து, 320 ஓட்டங்களுக்கு சகல விக்கெட்டுகளையும் இழந்த இங்கிலாந்து இனிங்ஸ் மற்றும் 49 ஓட்டங்களால் தோல்வியடைந்தது. துடுப்பாட்டத்தில், பென் ஸ்டோக்ஸ் 66, கிறிஸ் வோக்ஸ் 52, மார்க் ஸ்டோன்மன் 55, அணித்தலைவர் ஜோ றூட் 51 ஓட்டங்களைப் பெற்றனர். பந்துவீச்சில், நீல் வக்னர், டொட் அஸ்டின், ட்ரெண்ட் போல்ட் ஆகியோர் தலா 3 விக்கெட்டுகளைக் கைப்பற்றினர்.

இப்போட்டியில் தமது முதலாவது இனிங்ஸில் 58 ஓட்டங்களுக்கு ட்ரெண்ட் போல்ட், டிம் செளதியின் வேகத்தில் போட்டியின் முதல் நாளிலேயே இங்கிலாந்து சுருண்டிருந்ததுடன், நியூசிலாந்து அணி தமது முதலாவது இனிங்ஸில், ஹென்றி நிக்கொல்ஸ், கேன் வில்லியம்சனின் சதங்களுடன் 8 விக்கெட் இழப்புக்கு 427 ஓட்டங்களைப் பெற்றிருந்தது.

இப்போட்டியின் நாயகனாக ட்ரெண்ட் போல்ட் தெரிவானார்.