மேற்கிந்தியத் தீவுகளின் குழாமில் ஹோல்டர், சியல்ஸ்

இங்கிலாந்துக்கெதிரான டெஸ்ட் போட்டிகளுக்கான மேற்கிந்தியத் தீவுகளின் குழாமில் ஜேஸன் ஹோல்டர், ஜேடன் சியல்ஸ் ஆகியோர் இடம்பெற்றுள்ளனர்.

மேற்கிந்தியத் தீவுகள் இறுதியாக விளையாடிய டெஸ்ட் தொடரான அவுஸ்திரேலியாவுக்கெதிரான தொடரின்போது ஐக்கிய அரபு அமீரக இருபதுக்கு – 20 தொடரில் பங்கேற்றதன் காரணமாக ஹோல்டரும், காயம் காரணமாக சியல்ஸும் பங்கேற்றிருக்கவில்லை.

இந்நிலையில் இக்குழாமில் டிட்டின்னேரியன் சந்திரபோல் இடம்பெற்றிருக்கவில்லை.

குழாம்: கிறேய்க் பிறத்வெய்ட் (அணித்தலைவர்), அலிக் அதனஸே, ஜோஷுவா டா சில்வா (விக்கெட் காப்பாளர்), ஜேஸன் ஹோல்டர், கவெம் ஹொட்ஜ், டெவின் இம்லாச், அல்ஸாரி ஜோசப் (உப அணித்தலைவர்), ஷாமர் ஜோசப், மிகைல் லூயிஸ், ஸஷரி மக்கஸ்கி, கேர்க் மக்கென்ஸி, குடகேஷ் மோட்டி, கேமார் றோச், ஜேடன் சியல்ஸ், கெவின் சின்கிளேயர்