றோமாவை வென்றது ஏ.சி மிலன்

இத்தாலிய கால்பந்தாட்டக் கழகங்களுக்கிடையிலான சீரி ஏ தொடரில், நேற்று இடம்பெற்ற றோமாவுடனான போட்டியில் 2-0 என்ற கோல் கணக்கில் ஏ.சி மிலன் வென்றது. ஏ.சி மிலன் சார்பாக, பற்றிக் குர்தூனே, டாவிடே கலாபரியா ஆகியோர் தலா ஒவ்வொரு கோலைப் பெர்றனர்.

இதேவேளை, லேஸியோ, 3-0 என்ற கோல் கணக்கில் சஸுலோவை வென்றது. லேஸியோ சார்பாக, சேர்ஜெஜ் மிலின்கொவிக்-சவிக் இரண்டு கோல்களையும் சிரோ இம்மொபைல், ஒரு கோலையும் பெற்றனர்.

இந்நிலையில், ஜூவென்டஸ், அட்லாண்டா அணிகளுக்கிடையிலான போட்டி கடும் பனிப்பொழிவு காரணமாக ஒத்திவைக்கப்பட்டது.