லெவர்குசனிடம் தோற்ற மியூனிச்

ஜேர்மனியக் கால்பந்தாட்டக் கழகங்களுக்கிடையிலான புண்டெலிஸ்கா தொடரில், பயேர் லெவர்குசனின் மைதானத்தில் நேற்று முன்தினமிரவு நடைபெற்ற அவ்வணியுடனான போட்டியில் 0-3 என்ற கோல் கணக்கில் நடப்புச் சம்பியன்களான பயேர்ண் மியூனிச் தோற்றது.

லெவர்குசன் சார்பாக ஜோசிப் ஸ்டனிசிச், அலெக்ஸ் கிரிமல்டோ, ஜெரெமி பிறிம்பொங் ஆகியோர் தலா ஒவ்வொரு கோலைப் பெற்றனர்.

இதேவேளை அகஸ்பேர்க்கின் மைதானத்தில் நடைபெற்ற அவ்வணியுடனான போட்டியை 2-2 என்ற கோல் கணக்கில் ஆர்.பி லெய்ப்ஸிக் சமப்படுத்தியது.

புண்டெலிஸ்கா புள்ளிகள் பட்டியலில் 55 புள்ளிகளுடன் முதலாமிடத்தில் லெவர்குசன் உள்ளது.

50 புள்ளிகளுடன் இரண்டாமிடத்தில் மியூனிச் உள்ளதுடன், 40 புள்ளிகளுடன் உள்ள வி.எஃப்.பி ஸ்டட்கார்ட்டும், பொரூசியா டொட்டமுண்டும் கோலெண்ணிக்கை அடிப்படையில் மூன்றாம்,
நான்காமிடங்களிலுள்ளன. ஸ்டட்கார்ட் ஒரு போட்டி குறைவாக உள்ளது.