வெளியேற்றப்பட்டனர் அன்டர்சன், பேர்ட்டன்ஸ்

அவுஸ்திரேலிய பகிரங்க டென்னிஸ் தொடரின் மூன்றாவது நாளான இன்று, உலகின் ஆறாம் நிலை வீரரான கெவின் அன்டர்சன், ஒன்பதாம் நிலை வீராங்கனையான கிகி பேர்ட்டன்ஸ் ஆகியோர் தொடரிலிருந்து வெளியேற்றப்பட்டனர்.

தென்னாபிரிக்காவின் கெவின் அன்டர்சன், தனது இரண்டாவது சுற்றுப் போட்டியில் 6-4, 4-6, 4-6, 5-7 என்ற செட் கணக்கில் ஐக்கிய அமெரிக்காவின் பிரான்ஸெஸ் தியபோயேயிடம் தோல்வியுற்று தொடரிலிருந்து வெளியேறினார்.

இதேவேளை, நெதர்லாந்தின் கிகி பேர்ட்டன்ஸ் தனது இரண்டாவது சுற்றுப் போட்டியில் 6-3, 3-6, 3-6 என்ற செட் கணக்கில் ரஷ்யாவின் அனஸ்டசியா பவ்லுசென்கோவாவிடம் தோல்வியுற்று தொடரிலிருந்து வெளியேறினார்.

இந்நிலையில், நடப்புச் சம்பியனும் உலகின் மூன்றாம்நிலை வீரருமான சுவிற்ஸர்லாந்தின் ரொஜர் பெடரர் தனது இரண்டாவது சுற்றுப் போட்டியில் 7-6 (7-5), 7-6 (7-3), 6-3 என்ற நேர் செட்களில் ஐக்கிய இராச்சியத்தின் டான் இவான்ஸை வென்று மூன்றாவது சுற்றுப் போட்டிக்குத் தகுதிபெற்றார்.

இதேவேளை, உலகின் இரண்டாம் நிலை வீரரான ஸ்பெய்னின் ரபேல் நடால் தனது இரண்டாவது சுற்றுப் போட்டியில் 6-3, 6-2, 6-2 என்ற நேர் செட்களில் அவுஸ்திரேலியாவின் மத்தியூ எப்டேனை வென்று மூன்றாவது சுற்றுப் போட்டிக்குத் தகுதிபெற்றார்.

இந்நிலையில், நடப்புச் சம்பியனும் உலகின் மூன்றாம்நிலை வீராங்கனையுமான டென்மார்க்கின் கரோலின் வொஸ்னியாக்கி தனது இரண்டாவது சுற்றுப் போட்டியில் 6-1, 6-3 என்ற நேர் செட்களில் சுவீடனின் ஜொஹன்னா லர்சனை வென்று மூன்றாவது சுற்றுப் போட்டிக்குத் தகுதிபெற்றார்.

இதேவேளை, உலகின் இரண்டாம் நிலை வீராங்கனையான ஜேர்மனியின் அங்கெலிக் கேர்பர் தனது இரண்டாவது சுற்றுப் போட்டியில் 6-2, 6-3 என்ற நேர் செட்களில் பிரேஸிலின் பெயட்றிஸ் ஹடாட் மையாவை வென்று மூன்றாவது சுற்றுப் போட்டிக்குத் தகுதிபெற்றார்.

இந்நிலையில், உலகின் ஐந்தாம் நிலை வீராங்கனையான ஐக்கிய அமெரிக்காவின் ஸ்லோனி ஸ்டீவன்ஸ் தனது இரண்டாவது சுற்றுப் போட்டியில் 6-3, 6-1 என்ற நேர் செட்களில் ஹங்கேரியின் டிமியா பாபோஸை வென்று மூன்றாவது சுற்றுப் போட்டிக்குத் தகுதிபெற்றார்.

இதேவேளை, உலகின் ஏழாம் நிலை வீரரான குரோஷியாவின் மரின் சிலிச் தனது இரண்டாவது சுற்றுப் போட்டியில், 7-5, 6-7 (9-11), 6-4, 6-4 என்ற செட் கணக்கில் ஐக்கிய அமெரிக்காவின் மக்கென்ஸி மக்டொனால்டை வென்று மூன்றாவது சுற்றுப் போட்டிக்குத் தகுதிபெற்றார்.

இந்நிலையில், உலகின் ஆறாம் நிலை வீராங்கனையான செக் குடியரசின் பெட்ரா குவிற்றோவா, தனது இரண்டாவது சுற்றுப் போட்டியில் 6-1, 6-3 என்ற நேர் செட்களில் றோமானியாவின் இரினா-கமெலியா பெகுவை வென்று மூன்றாவது சுற்றுப் போட்டிக்குத் தகுதிபெற்றார்.