திராய்மடுவில் மீனவரின் சடலம் மீட்பு

-ஏ.எச்.ஏ. ஹுஸைன்

மட்டக்களப்பு பொலிஸ் பிரிவுக்குட்பட்ட திராய்மடு கிராமத்தில் கிணற்றிலிருந்து இன்று திங்கட்கிழமை மீனவரின் சடலமொன்றை மட்டக்களப்பு பொலிஸார் மீட்டுள்ளனர்.

திராய்மடு கிராமத்தைச் சேர்ந்த நேசதுரை பேணார்ட் (வயது 54) எனும் மூன்று பிள்ளைகளின் தந்தையே இவ்வாறு சடலமாக மீட்கப்பட்டுள்ளதாக பொலிஸார் தெரிவித்தனர்.

கடல் மீன்பிடித் தொழிலில் ஈடுபட்டு வந்த இவர் கடந்த சில நாட்களாக நோயினால் பீடிக்கப்பட்டிருந்ததாக பொலிஸார் மேற்கொண்ட விசாரணைகளின் மூலம் தெரியவந்தள்ளது.

அவரது வீட்டுவளவிலுள்ள கிணற்றிலிருந்தே இவர் சடலமாக மீட்கப்பட்டுள்ளதாகவும் இச்சம்பவம் தொடர்பான மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர்.