'தமிழ் மக்கள் இழந்ததை கல்வியினால் அடையமுடியும்'

-வா.கிருஸ்ணா

தமிழ் மக்கள் இழந்தவற்றை கல்வியினால் மட்டுமே அடைய முடியுமென தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் எஸ்.வியாளேந்திரன் தெரிவித்தார்.

வறுமைக் கோட்டுக்கு கீழுள்ள 25 மாணவர்களுக்கு கற்றல் உபகரணங்கள் வழங்கும் நடவடிக்கை,  செங்கலடியிலுள்ள அவரது அலுவலகத்தில் இன்று செவ்வாய்க்கிழமை நடைபெற்றது.

இங்கு மேலும் தெரிவித்த அவர், 'கடந்த கால நிலைமை பற்றி பேசிக்கொண்டு நாம் பின்நோக்கிச் செல்ல முடியாது. நாங்கள் முன்னேற வேண்டியுள்ளது. எனவே, தமிழ் மக்களுக்கு சிறந்த ஆயுதமாக இருப்பது கல்வியாகும். கல்வியில் பலமடைவதன் மூலம் நாம் இழந்தவற்றை மீள அடைய முடியும்' என்றார்.