'மாணவர்கள் மத்தியில் இலக்கியம் வளர்க்கப்பட வேண்டும்'

-எம்.எஸ்.எம்.நூர்தீன்

மாணவர்கள் மத்தியில் இலக்கியம் வளர்க்கப்பட வேண்டும் என காத்தான்குடி பிரதேச செயலக உதவி பிரதேச செயலாளர் ஏ.சி.அகமட் அப்கர் தெரிவித்தார்.

காத்தான்குடி பிரதேச செயலக மாநாட்டு மண்டபத்தில் இன்று செவ்வாய்க்கிழமை காலை நடைபெற்ற மாணவர்களுக்கான இலக்கிய வேலைப்பட்டறையை ஆரம்பித்து வைக்கும் வைபவத்தில் உரையாற்றும் போதே அவர் மேற்கண்டவாறு தெரிவித்தார்.

அவர் தொடர்ந்து உரையாற்றுகையில்,

மாணவர்கள் கலை இலக்கியத்தில் ஆர்வம் காட்ட வேண்டும்.தமது கலாசார பாரம்பரியங்களுக்குள் நின்று இலக்கியத்தை மேம்படுத்த வேண்டும் என்றார்.

இந்த செயலமர்வில் காத்தான்குடி பிரதேச செயலக கலாசார உத்தியோகத்தர் எம்.எச்.ஜவாத், கலாசார அபிவிருத்தி உதவியாளர் மௌலவி எம்.சி.எம்.றிஸ்வான் மதனீ,மட்டக்களப்பு மாவட்ட கலாசார உதவியாளர் ரி.மலாச்செல்வன், மற்றும் பலர் கலந்துகொண்டனர்.

இதன்போது, மாணவர்களுக்கு கவிதை,கட்டுரை மற்றும் கதைகள் எழுவது தொடர்பான பயிற்சிகள் வழங்கப்பட்டன.