'முஸ்லிம்கள் மீது ஜனாதிபதி கரிசனையுடன் உள்ளார்'

-எம்.எஸ்.எம்.நூர்தீன்

முஸ்லிம்கள் மீது ஜனாதிபதி மைத்திரிபால சிறிசேன கரிசனை உள்ளவர் என்று நாடாளுமன்ற உறுப்பினர்; எம்.எல்.ஏ.எம்.ஹிஸ்புல்லாஹ் தெரிவித்தார்;.

சிகரம் ஜும்மா பள்ளிவாசலின் புதிய பள்ளிவாசல் கட்டடத்துக்கான அடிக்கல் நாட்டும் நிகழ்வு, திங்கட்கிழமை (07) மாலை நடைபெற்றது. இந்நிகழ்வில் உரையாற்றுகையிலேயே, அவர் மேற்கண்டவாறு கூறினார்.

இங்கு தொடர்ந்து உரையாற்றிய அவர், 'இந்நாட்டிலுள்ள சிறுபான்மை மக்களை நேசிக்கின்ற ஒருவராகவும் ஜனாதிபதி மைத்திரிபால சிறிசேன உள்ளார்' என்றார்.

மேலும், இந்த பொதுத் தேர்தலில் நான் தோல்வியடைந்தபோதிலும், தேசியப்பட்டியல் மூலம் மீண்டும் நாடாளுமன்றத்துக்கு இறைவன் அனுப்பியுள்ளான். இதை வைத்துக்கொண்டு என்னால் முடிந்த அபிவிருத்திப்பணிகளை நான் மேற்கொள்வேன்.