மட்டு. புனித மிக்கேல் கல்லூரியின் சிரேஷ்ட பிரிவு 7இல் ஆரம்பம்

-கே.எல்.ரி.யுதாஜித்

கல்விப் பொதுத்தராதர சாதாரணதரப் பரீட்சை விடைத்தாள்கள் திருத்தும் பணி மேற்கொள்ளப்படுவதினால், மட்டக்களப்பு புனித மிக்கேல் கல்லூரியின் சிரேஷ்ட பிரிவு எதிர்வரும் 07ஆம் திகதி ஆரம்பமாகுமென அக்கல்லூரி அதிபர் வெஸ்லியோ வாஸ் தெரிவித்தார்.

இருப்பினும், ஏற்கெனவே அறிவிக்கப்பட்டதைப் போன்று புனித மிக்கேல் கல்லூரியின் ஆரம்பப்பிரிவு நாளை புதன்கிழமை ஆரம்பமாகுமெனவும் அவர் கூறினார்.

க.பொ.த. சாதாரணதரப் பரீட்சை விடைத்தாள்கள் திருத்தும் பணி மேற்கொள்ளப்படாத பாடசாலைகள் யாவும்  திங்கட்கிழமை (04) ஆரம்பமாகியுள்ளன.

விடைத்தாள்கள் திருத்தும் பணி மேற்கொள்ளப்படும் பாடசாலைகள் மாத்திரம், இவ்வருடம் முதலாம் தவணைக்காக 06ஆம் திகதி  ஆரம்பமாகுமென்று ஏற்கெனவே அறிவிக்கப்பட்டிருந்தமை குறிப்பிடத்தக்கது.