1440 போதை மாத்திரைகளுடன் ஒருவர் கைது

ஓட்டுமாவடியில் இருந்து மட்டக்களப்பு நோக்கி பயணித்த  கார் ஒன்றில் சட்டவிரோதமாக போதை மாத்திரைகளை கட்திச் சென்ற ஒருவரை மட்டு ரயில்வே வீதியில் வைத்து விசேட அதிரடிப்படையினர் கைது செய்யப்பட்ட சம்பவம் சனிக்கிழமை (11) மாலை இடம்பெற்றுள்ளது .

மட்டக்களப்பு கடற்படை புலனாய்வு பிரிவுக்கு கிடைத்த தகவல் ஒன்றிக்கமைய விசேட அதிரடிப்படை  குழுவினர் மற்றும் கடற்படை புலனாய்வு பிரிவினர் இணைந்து மட்டக்களப்பு ரயில்வே குறுக்கு வீதியில் கண்காணிப்பில் ஈடுபட்டுக் கொண்டிருந்த போதே  குறித்த கைது நடவடிக்கை மேற்கொள்ளப்பட்டுள்ளது. 

இதன் போது காரில் இருந்து 1440 போதை மாத்திரைகளை மீட்டுள்ளதுடன் கடத்தலுக்கு பயன்படுத்திய காரை பொலிஸாரிடம் ஒப்படைத்துள்ளதாக தெரிவிக்கப்பட்டுள்ளது .

மேலும் கைது செய்யப்பட்ட சந்தேக நபரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளாதாக பொலிஸார் தெரிவித்துள்ளனர் .

கனகராசா சரவணன்