சமாதானம் மற்றும் நல்லிணக்கத்தை கட்டியெழுப்புவதுக்கான ஒரு நாள் கருத்தரங்கு

-ரீ.கே.றஹ்மத்துல்லா, எஸ். பாக்கியநாதன்

சமாதாதானம் மற்றும் நல்லிணக்கத்தை கட்டியெழுப்புவதுக்கான சர்வமத மற்றும் சமூக தலைவர்களின் ஒத்துழைப்பை பலப்படுத்துவதுக்கான ஊடக பங்களிப்பை மேம்பாடு செய்வது தொடர்பில், பிரதேச ஊடகவியலாளர்கள் மற்றும் சமூகத்தலைவர்களுக்கான ஒரு நாள் கருத்தரங்கு சனிக்கிழமை (21) மட்டக்களப்பு கிரீன் கார்டன் ஹோட்டலில் நடைபெற்றது.

இலங்கை சமாதானப் பேரவையின் ஏற்பாட்டில் றூவிஷன் நிறுவனம் இதனை ஏற்பாடு செய்திருந்தது.

தற்கால அரசியல் நிலைமையில் தேசிய சமாதானப் பேரவையின் வகிபாகம், மாவட்ட ரீதியில் சமாதானத்தையும் இன ஐக்கியத்தையும் ஏற்படுத்துவதுக்காக ஊடகவியலாளர்களின் பங்களிப்பு மற்றும் சமகால அரசியலில் நல்லிணக்கத்தை ஏற்படுத்துவதுக்கான வழிமுறைகள் தொடர்பில் கருத்துப்பரிமாறல்கள் இடம்பெற்றன.

இந்நிகழ்வில் தேசிய சமாதானப் பேரவையின் நிறைவேற்றுப் பணிப்பாளர் கலாநிதி ஜெஹான் பெரேரா, எம். அப்துல் அமான், சுனில் ஜயசேகர ஆகிய வளவாளர்கள் கலந்துகொண்டு விளக்கமளித்தனர்.