அபிவிருத்திக்குழு இணைத்தலைவராக ஹாபீஸ் நியமனம்

-எம்.எஸ்.எம்.நூர்தீன்

கிழக்கு மாகாண முதலமைச்சர் ஹாபீஸ் நசீர் அகமட் கிழக்கு மாகாணத்திலுள்ள மூன்று மாவட்டங்களினதும் அபிவிருத்திக்குழுவின் இணைத்தலைவராக நியமிக்கப்பட்டுள்ளார்.

ஜனாதிபதி மைத்திரிபால சிறிசேனவினால் இந்த நியமனம் வழங்கப்பட்டுள்ளதாக கிழக்கு மாகாண முதலமைச்சரின் ஊடகப் பிரிவு தெரிவித்துள்ளது.

மட்டக்களப்பு மற்றும் அம்பாறை, திருகோணமலை ஆகிய மாவட்டங்களின் அபிவிருத்திக்குழுவின் இணைத்தலைவராக கிழக்கு மாகாண முதலமைச்சர் ஹாபீஸ் நசீர் அகமட் நியமிக்கப்பட்டுள்ளார்.

இதனடிப்படையில் இந்த மாவட்டங்களின் அபிவிருத்திக்குழு கூட்டங்களுக்கு இணைத்தலைமை வகிப்பதுடன் இங்கு இடம்பெறும் அபிவிருத்தி நடவடிக்கைகளிலும் முழுமையான கரிசனையினை கிழக்கு மாகாண முதலமைச்சர் காட்டுவார் என ஊடகப் பிரிவு மேலும் தெரிவித்துள்ளது.