முள்ளிவாய்க்கால் நினைவு பேரணி

-வா.கிருஸ்ணா

இறுதி யுத்தத்தில் உயிரிழந்த பொதுமக்களை நினைவுகூர்ந்து கிழக்கு பல்கலைக்கழக மாணவர் சமூகம், திங்கட்கிழமை (18) முள்ளிவாய்க்கால் நினைவு பேரணியை நடத்தியது.

கிழக்குப் பல்கலைக்கழகத்தின் அனைத்துப்பீட மாணவர்களின் ஏற்பாட்டில் நடைபெற்ற இப்பேரணியானது பல்கலைகழக பிள்ளையார் ஆலயத்திலிருந்து பல்கலைக்கழக வாயில் வரைக்கும் ஊர்வலமாக சென்றது.

இதன்போது, தமிழ், முஸ்லீம் மற்றும் சிங்களம் என மூவின மாணவர்களும் கலந்துகொண்டு மெழுகுவர்த்தி ஏந்திச் சென்று அமைதிவழியில் முள்ளிவாய்க்காலில் உயிர் நீத்த மக்களுக்கு அஞ்சலி செலுத்தினர்.

இந்நிகழ்வை நடத்தக்கூடாது என ஏற்கெனவே பொலீஸார் உத்தரவு பிறப்பித்திருந்தும் மாணவர்கள் அவற்றையெல்லாம் தாண்டி முள்ளிவாய்க்காலில் உயிர் நீத்த மக்களுக்கான அஞ்சலியை செலுத்தியிருந்தமை குறிப்பிடத்தக்கது.