நெல் சந்தைப்படுத்தும் வளாகத்துக்குள் காட்டு யானை

–வடிவேல் சக்திவேல்

மட்டக்களப்பு மாவட்டத்தின் பழுகாமம், மண்டூர், நவகிரிப்பிரிவு பலநோக்குக் கூட்டுறவுச் சங்கத்துக்கு சொந்தமான தும்பங்கேணிக் கிராமத்திலுள்ள நெல் சந்தைப்படுத்தும் வளாகத்துக்குள் திங்கட்கிழமை (22) அதிகாலை காட்டு யானை ஒன்று உட்புகுந்து  நெல் சந்தைப்படுத்தும் வளாகத்தின் சுற்று வேலியின் ஒரு பகுதியை சேதப்படுத்தியுள்ளது.

நெல்லின் வாசத்தை நுகர்ந்த காட்டு யானை, வளாகத்தின் சுற்று வேலியை உடைத்துக் கொண்டு உள்நுளைந்தபோதிலும் கட்டடத்துக்கு எவ்வித சேதமும்  ஏற்படுத்தவில்லை. இதனால், சுமார் 15,000 ரூபாய்க்கு மேல் சேதம் ஏற்பட்டுள்ளதாகவும் இது தொடர்பில் வெல்லாவெளி பொலிஸ் நிலையத்தில்  முறைப்பாடு செய்யப்பட்டுள்ளதாகவும் பழுகாமம், மண்டூர், பலநோக்குக் கூட்டுறவுச் சங்கத்திற்குச்  பொது முகாமையாளர் வ.பரமலிங்கம் தெரிவித்தார்.