மட்டக்களப்பில் ஐந்து தினங்களுக்கு மின்வெட்டு

-ஏ.எச்.ஏ.ஹுஸைன்,எஸ். பாக்கியநாதன்

மட்டக்களப்பில் மின்சார சபையின் பராமரிப்பு வேலைகள் நடைபெறவிருப்பதால் புதன்கிழமை தொடக்கம் ஐந்து தினங்களுக்கு மின் வெட்டு அமுல்படுத்தப்படவுள்ளதாக மட்டக்களப்பு பிரதேச மின் பொறியியலாளர் செவ்வாய்க்கிழமை(07) அறிவித்துள்ளார்.

இதற்கிணங்க, தினமும் காலை ஒன்பது மணி தொடக்கம் மாலை ஐந்து மணி வரை பின்வரும் மின்பாவனையாளர் சேவை நிலையததுக்குட்பட்ட பகுதிகளில் மின்வெட்டு அமுலில் இருக்கும்.

புதன்கிழமை(09) - களுவாஞ்சிக்குடி மின் பாவினையாளர் சேவை நிலைய அம்பிளாந்துறைப் பகுதிகளில்  மின்வெட்டு அமுலில் இருக்கும். வியாழக்கிழமை(10) - களுவாஞ்சிக்குடி நகர மின் பாவினையாளர் சேவை நிலைய குறுமண்வெளிப் பகுதிகளில் மின்வெட்டு அமுலில் இருக்கும். வெள்ளிக்கிழமை(11)- காலை 8.30 தொடக்கம் ஏறாவூர் மின் பாவினையாளர் சேவை நிலைய ஆறுமுகத்தான் குடியிருப்பு, களுவன்கேணிப் பகுதிகளில் மின் துண்டிக்கப்படும். சனிக்கிழமை(12)-  மட்டக்களப்பு நகர மின் பாவினையாளர் சேவை நிலைய இருதயபுரம், சின்ன ஊறணிப் பகுதிகளிலும்
ஞாயிற்றுக்கிழமை(13)-  களுவாஞ்சிக்குடி மின் பாவினையாளர் சேவை நிலையத்துக்குட்பட்ட பெரியபோரதீவு, முனைத்தீவு, பழுகாமம் பகுதிகளிலும் மின்வெட்டு அமுல்படுத்தப்படவுள்ளது.