அரச உத்தியோகத்தர்களுக்கு உளநல ஆற்றுகைப் பயிற்சி

அரச அலுவலகங்களில் கடமை புரிகின்ற  உத்தியோகத்தர்களுக்கு உள நல ஆற்றுகைப் பயிற்சி நெறி வழங்கப்பட்டு வருகின்றது.

இப்பயிற்சி நெறிகள், மட்டக்களப்பு மாவட்டத்தில் அருவி பெண்கள் வலையமைப்பின் ஏற்பாட்டில் நடைபெற்று வருகின்றன.

மட்டக்களப்பு மாவட்ட அருவி பெண்கள் வலையமைப்பின் பணிப்பாளரும் சட்டத்தரணியுமான மயூரி ஜனன் தலைமையில், மட்டக்களப்பு - டேர்பா மண்டபத்தில் நேற்று முன்தினம் (07)  நடைபெற்ற இப்பயிற்சி நெறியில் மாவட்ட அரசாங்க அதிபர் மாணிக்கம் உதயகுமார் பிரதம அதிதியாகக் கலந்துகொண்டார்.

யுத்தத்தாலும் இயற்கை இடர்களாலும் பாதிக்கப்பட்டுப் போயுள்ள மக்களின் இயலளவைக் கட்டியெழுப்பும் வகையிலும் அவர்களுக்குக் கிடைக்கக் கூடிய சேவைகளைப் பெற்றுக் கொள்ளும் வகையிலும் அரச பணியாளர்களுக்கு உளநல ஆற்றுகைப் பயிற்சிகள் இதன்போது வழங்கப்பட்டன.