ஆர்ப்பாட்டம்

-வா.கிருஸ்ணா

மட்டக்களப்பு - செங்கலடி வேப்பயடி ஸ்ரீ சக்தி விநாயகர் ஆலயத்தின் ஒலிபெருக்கி பாவனைக்கு பொலிஸார் தடையாக இருப்பதாக கூறி பிள்ளையாரடி வட்டாரம் கணபதி நகர் கிராம மக்களால், புதன்கிழமை(24) மாலை ஆலயத்துக்கு முன்னால் ஆர்ப்பாட்மொன்று முன்னெடுக்கப்பட்டது.

இவ் ஆர்ப்பாட்டத்தில் ஒருவர் உண்ணாவிரதம் மேற்கொண்டிருந்தார்.

சம்பவ இடத்துக்கு வருகை தந்த ஏறாவூர் பொலிஸார், தாம் இது குறித்து இனி அவதானமாக இருப்பதாகவும் எந்த ஒரு தனி நபரினதும் நலனுக்காக தாம் இந்த தடையை விதிக்கவில்லை என்றும் தமக்கு வந்த புகாரின் அடிப்படையிலேயே சில கட்டுப்பாடுகளை விதிக்கவேண்டி ஏற்பட்டதாகவும் கூறியதுடன், ஆலயத்தில் இனி ஒலி பெருக்கியை தடையின்றி பயன்படுத்துமாறும் அதற்கான அனுமதியை தாங்கள் வழங்குவதாகவும் வாக்குறுதி வழங்கியதன் பின்னர், மக்கள் ஆர்ப்பாட்டத்தை கைவிட்டனர்.