‘எந்தவொரு வேட்பாளரும் 50 சதவீத வாக்கை பெறப்போவதில்லை’

எதிர்வருகின்ற ஜனாதிபதித் தேர்தலில் போட்டிடப்போகின்ற எந்தவொரு ஜனாதிபதி வேட்பாளரும் இம்முறை 50 சதவிகித வாக்கைப் பெறப்போவதில்லையென, கிழக்கு மாகாண முன்னாள் முதலமைச்சர் செய்னுலாப்தீன் ஆலிம் நஸீர் அஹமட் கூறினார்.

இது தொடர்பாக இன்று (20) அவர் வெளியிடப்பட்டுள்ள அறிக்கையிலேயே இவ்வாறு குறிப்பிட்டுள்ளார்.  

அத்துடன், சிறுபான்மை மக்களின் வாக்குகளே அடுத்த  ஜனாதிபதி யார் என்பதை உறுதி செய்யப்போன்றது எனக் குறிப்பிட்ட அவர், இலங்கை முஸ்லிம் சமூகம் தமது ஜனநாயக வாக்குப் பலம் எத்தகையது என்பதைக் வெளிக்காட்டும் விதத்தில் ஜனாதிபதி வேட்பாளராக முஸ்லிம் ஒருவரை நிறுத்தி, அவருக்கு ஒட்டுமொத்தமாக தமது முதலாவது வாக்கை அளிக்க வேண்டுமென்றார்.

அந்த வகையில், ஸ்ரீலங்கா முஸ்லிம் காங்கிரஸின் தலைவர் றவூப் ஹக்கீம் இதில் களமிறங்குவாரானால் அது சிறப்பாக இருக்கும் என்றும் இரண்டாவது வாக்கை, முஸ்லிம்களின் கோரிக்கைகளை ஏற்று அதற்கு உத்தரவாதம் அளிக்கும் வேறொரு வேட்பாளருக்கு வழங்கவேண்டும் எனவும் அவர் அந்த அறிக்கையில் மேலும் குறிப்பிடப்பட்டுள்ளது.