ஐஸ் போதை பொருளுடன் இருவர் கைது

மட்டக்களப்பு, காத்தான்குடி பிரதேசத்தில் வைத்து ஐஸ்  போதை பொருளுடன் இருவர் கைது செய்யப்பட்ட சம்பவம் செவ்வாய்க்கிழமை (30) அதிகாலை 5 மணியளவில் இடம்பெற்றுள்ளது . 

மட்டக்களப்பு மாவட்ட குற்ற விசாரணை பிரிவினருக்கு கிடைக்கப்பெற்ற ரகசிய தகவலுக்கமையவே  குறித்த கைது  நடவடிக்கை மேற்கொள்ளப்பட்டுள்ளதுடன்  இதன்போது  , மோட்டார் சைக்கிள் ஒன்றில் கீழ்ப்பகுதியில் மறைத்து வைக்கப்பட்டிருந்த  நிலையில் 14, 570 மில்லி கிராம் ஐஸ் போதைப்பொருள் மீட்கப்பட்டுள்ளது . 

இதன்போது கைது செய்யப்பட்ட நபர்கள் காத்தான்குடி மையவாடி வீதி மற்றும் காத்தான்குடி ஆறாம் குறிச்சி பிரதேசங்களை சேர்ந்தவர்கள்  எனவும்  அதில் ஒருவர்  பிரபல மென் பானம் ஒன்றின் முகவர் எனவும் தெரிவிக்கப்பட்டுள்ளது .

மேலும்  , குறித்த சந்தேக நபர்களை மட்டக்களப்பு நீதிமன்றத்தில் ஆஜர் படுத்தவுள்ளதாக காத்தான்குடி பொலிஸார் தெரிவித்துள்ளனர் .

ரீ. எல் ஜவ்பர்கான்