குடும்பிமலையில் 33 பேருக்கு குளவிக்கொட்டு

-ஆர்.ஜெயஸ்ரீராம்

மட்டக்களப்பு, கிரான் பிரதேச செயலாளர் பிரிவுக்குட்பட்ட குடும்பிமலையில் குளவிக் கொட்டுக்குள்ளான 33 பேர் வைத்தியசாலையில் அனுமதிக்கப்பட்டனர்.

மேற்படி பிரதேசத்தில் அமைந்துள்ள கண்ணகி அம்மன் கோவிலின் வருடாந்தத் திருவிழாவுக்குச்; திங்கட்கிழமை (16) சென்ற பக்தர்களே குளவிக் கொட்டுக்குள்ளாகினர்.

இவர்கள் உடனடியாக வாழைச்சேனை ஆதார வைத்தியசாலையில் அனுமதிக்கப்பட்டனர். இவர்களில் நான்கு பேர்; மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டதாக பொலிஸார் தெரிவித்தனர்.

இந்தக் கோவில்த் திருவிழாவுக்கு கிரான், சந்திவெளி, திகிலிவெட்டை, கோராவெளி, பெண்டுகல்சேனை, முறக்கொட்டாஞ்சேனை ஆகிய கிராமங்களிலிருந்து பக்தர்கள்  கலந்துகொள்வது வழக்கமாகும்.