காணிப் பிணக்குகளைத் தீர்க்கும் இடம்பெயர் சேவை

-ஏ.எச்.ஏ.ஹுஸைன்

மட்டக்களப்பு, ஏறாவூர்ப்பற்று மற்றும் ஏறாவூர் நகரம் பிரதேச செயலாளர் பிரிவுகளில் நிலவும் காணிப் பிணக்குகளைத் தீர்க்கும் இடம்பெயர் சேவை ஜனவரி 16ஆம் திகதிக்கு ஒழுங்கு செய்யப்பட்டுள்ளதாக கிழக்கு மாகாண முதலமைச்சர் செயலகம் தெரிவித்தது.

ஏறாவூர்ப்பற்று பிரதேச சபைக் கேட்போர் கூடத்தில் 16ஆம் திகதி காலை 9 மணியிலிருந்து மாலை 4 மணிவரை  நடைபெறவுள்ள இச்சேவையின்போது,  தங்களின் காணிப் பிணக்குகளை பொதுமக்கள் முன்வைத்து தீர்வைப் பெற்றுக்கொள்ள முடியும்;;.

கடந்த கால யுத்தம் மற்றும் அதற்குப் பின்னரான அசாதாரண சூழ்நிலைகளின்போது, இவ்விரு பிரதேச செயலாளர்  பிரிவுகளிலும் வசிக்கும்  பொதுமக்கள் தங்களின் காணிப் பிரச்சினைகளுக்கு நீண்டகாலமாக முகங்கொடுத்து தீர்வின்றித் தடுமாறுவதனால், அவற்றுக்குத் தீர்வு காண்பதற்காக இந்த ஏற்பாடு செய்யப்பட்டுள்ளதாக முதலமைச்சர் செயலகம் கூறியது.