கஞ்சாவுடன் ஒருவர் கைது

-ஏ.எச்.ஏ.ஹுஸைன்

கஞ்சாவுடன் வீதியில் நடமாடியதாகக் கூறப்படும்  54 வயதுடைய ஒருவரை மட்டக்களப்பு, ஏறாவூர் ரூபி முஹைதீன் கிராம வீதியில் இன்று வெள்ளிக்கிழமை பொலிஸார் கைதுசெய்துள்ளனர்.

இச்சந்தேக நபர் விற்பனைக்காக தம்வசம் கஞ்சாவை வைத்திருந்ததுடன், இவரிடமிருந்து 3800 மில்லிகிராம் கஞ்சாவை கைப்பற்றியதாகவும் பொலிஸார் தெரிவித்தனர்.

இச்சந்தேக நபர் வீதிகளில் உலாவிக்கொண்டு  கஞ்சா விற்பனையில் ஈடுபடுவதாக பொதுமக்களிடமிருந்து தகவல் கிடைத்தது. இதனை அடுத்து, குறித்த இடத்துக்குச் சென்று விசாரணை மேற்கொண்டு சந்தேக நபரைக் கைதுசெய்துள்ளதாகவும் பொலிஸார் கூறினர்.