கடத்தப்பட்ட சிறுமியை மீட்டுத் தருமாறு வேண்டுகோள்

-எம்.எஸ்.எம்.நூர்தீன், வடிவேல் சக்திவேல்

மட்டக்களப்பு, கொக்கட்டிச்சோலைப் பிரதேசத்தில் 16 வயதுடைய சிறுமி ஒருவர் கடத்திச் செல்லப்பட்டுள்ளதுடன், இச்சிறுமியை கண்டுபிடித்துத் தர உதவுமாறும் மட்டக்களப்பு மனித உரிமைகள் ஆணைக் குழுவிடம் பெற்றோர் புதன்கிழமை (04) வேண்டுகோள் விடுத்துள்ளனர்.  

தரம் -11இல் கற்கும் இந்தச் சிறுமி கடந்த 27.4.2016 அன்று மாலை பிரத்தியேக வகுப்புக்குச் சென்றுவிட்டு திரும்புகையில் கொக்கட்டிச்சோலை அரசடித்தீவில் முச்சக்கரவண்டியில் வந்த ஒருவரால் கடத்திச் செல்லப்பட்டுள்ளார்.

இது தொடர்பில் கொக்கட்டிச்சோலை பொலிஸ் நிலையத்தில்; முறைப்பாடு செய்ததாகவும்;. எனினும்,  உரிய நடவடிக்கை இதுவரையில் எடுக்கவில்லை.  என்று முறைப்பாட்டில் பெற்றோர் தெரிவித்துள்ளதாக மனித உரிமைகள் ஆணைக் குழுவின் மட்டக்களப்பு மாவட்ட அதிகாரி ஒருவர் தெரிவித்தார்.