கற்கைத் தரத்தை உறுதிப்படுத்துமாறு மகஜர் கையளிப்பு

உயர் தேசிய கணக்கீட்டு டிப்ளோமா கற்கைக்கான தரத்தை உறுதிப்படுத்தக்கோரி, உயர் கல்வியமைச்சர் றவூப் ஹக்கீமுக்கான கோரிக்கை மகஜர் அனுப்பிவைக்கப்பட்டுள்ளது.

இலங்கை உயர் தொழில்நுட்ப கல்வி நிறுவகத்தால் நான்கு வருட காலப்பகுதியைக் கொண்ட வர்த்தகத்துறை பட்டத்துக்கு சமனானது என அங்கிகாரம் வழங்கப்பட்ட கற்கை நெறியான உயர் தேசிய கணக்கீட்டு டிப்ளோமா கற்கையைப் பூர்த்தி செய்கின்றவர்கள் அரச தொழில் வாய்ப்புகளை பெற்றுக்கொள்கின்ற போது, தொடர் புறக்கணிப்புக்களை எதிர்கொண்டு வருகின்றனர்.

மட்டக்களப்பு உயர் தொழில்நுட்ப கல்வி நிறுவன மாணவர்கள் இந்த விடயங்களை சுட்டிக்காட்டி, இந்த கற்கை நெறிக்கான தரத்தை உறுதிப்படுத்த வேண்டுமென கோரிக்கை விடுத்து கையெழுத்திட்ட கோரிக்கை மகஜரை, உயர் கல்வியமைச்சரின் இணைப்புச் செயலாளர் யு.எல்.எம்.என்.முபீனிடம் இன்று (20) கையளித்தனர்.