காத்தான்குடியில் மேலும் 7 பேருக்கு கொரோனா

எம்.எஸ்.எம்.நூர்தீன்

காத்தான்குடியில் நேற்று (26) மேற்கொள்ளப்பட்ட அன்டிஜன் பரிசோதனையின் போது, 7 பேருக்கு கொரோனா வைரஸ் தொற்று உறுதிப்படுத்தப்பட்டுள்ளதாக சுகாதார அதிகாரிகள் தெரிவித்தனர்.

இதில் காத்தான்குடியைச் சேர்ந்த 6 பேருக்கும் ஆரையம்பதியைச் சேர்ந்த ஒருவருக்கும் தொற்று உறுதிப்படுத்தப்பட்டுள்ளது.

ஏற்கெனவே கொரோனா வைரஸ் தொற்று உறுதிப்படுத்தப்பட்டவர்களின் குடும்ப உறவினர்கள், தனிமைப்படுத்தப்பட்டவர்கள் மற்றும் காத்தான்குடியிலுள்ள தனியார் வர்த்தக நிலையமொன்றில் கடமையாற்றும் ஊழியர்கள் என 15 பேருக்கு அன்டிஜன் பரிசோதனை மேற்கொள்ளப்பட்டது.

இதில் 7 பேருக்கு கொரோனா வைரஸ் தொற்று உறுதிப்படுத்தப்பட்டுள்ளதாகவும் இவர்களில் ஒரே குடும்பத்தைச் சேர்ந்த கணவன், மனைவி மற்றும் மகன் மற்றுமொரு குடும்பத்தில் கணவன், மனைவி ஆகியோருக்கு தொற்று உறுதிப்படுத்தப்பட்டுள்ளதாகவும் சுகாதார அதிகாரிகள் தெரிவித்தனர்.