கிழக்கு மாகாண ஆளுநர் சீயோன் தேவாலயத்துக்கு விஜயம்

மட்டக்களப்பு, சீயோன் தேவாலயத்துக்கு, கிழக்கு மாகாண ஆளுநர் ஷான்  விஜயலால் டி  சில்வா, இன்று (20) திடீர் விஜயமொன்றை மேற்கொண்டார்.

ஏப்ரல் 21ஆம் திகதி குண்டுத் தாக்குதலால் சேதமாக்கப்பட்ட தேவாலயத்தின் நிர்மாணப் பணிகள் தற்பொழுது முன்னெடுக்கப்படுகின்ற நிலையில், அதன் பணிகளைப் பார்வையிடுவதற்காக அவர் அங்கு சென்றுள்ளதாக, ஆளுநரின் ஊடகப்பிரிவு தெரிவித்துள்ளது.

நிர்மாணப் பணிகளைத் துரித கதியில் நிறைவு செய்யுமாறும் அடுத்த தேர்தலுக்கு முன்னர் மட்டக்களப்பு சீயோன் தேவாலயத்தின் நிர்மாணப் பணிகளை முடிவுறுத்த நடவடிக்கை எடுக்குமாறும் கிழக்கு மாகாண ஆளுநர், இதன்போது தெரிவித்தார்.