சிறுமி துஷ்பிரயோகம்; சந்தேக நபருக்கு 14 நாள் விளக்கமறியல்

-ஏ.எச்.ஏ. ஹுஸைன்

15 வயது சிறுமியை பாலியல் துஷ்பிரயோகம் செய்த குடும்பஸ்தரை ஏறாவூர் சுற்றுலா நீதிவான் நீதிமன்ற நீதிவான் ஏ.எம். றியாழ் செவ்வாய்க்கிழமை(22) 14 நாட்கள் விளக்கமறியலில் வைக்குமாறு உத்தரவிட்டுள்ளார்.

முறக்கொட்டான்சேனையைச் சேர்ந்த ஆறுமுகம் நிர்மலராஜ் (வயது 32) என்பவருக்கே இவ்வாறு  உத்தரவு பிறப்பிக்கப்பட்டது.

குறித்த நபர் மேற்படி சிறுமியை முறக்கொட்டான்சேனைப் பகுதியிலுள்ள மயானம் ஒன்றில் மறைவாக வைத்து பாலியல் துஷ்பிரயோகம் செய்துள்ளார்.

இது தொடர்பில் பாதிக்கப்பட்ட சிறுமியின் பெற்றோர் பொலிஸ் நிலையத்தில் செய்த முறைப்பாட்டையடுத்து விசாரணைகளை மேற்கொண்ட பொலிஸார் குறித்த நபரை திங்கட்கிழமை (21) இரவு கைது செய்துள்ளனர்.

கைது செய்யப்பட்ட நபரை நீதிமன்றத்தில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டுள்ளது.

இச்சம்பவத்தில் பாதிக்கப்பட்ட  சிறுமி மட்டக்களப்பு போதனா வைத்தியசாலையில் அனுமதிக்கப்பட்டுள்ளார்.