சடலம் மீட்பு

-வா.கிருஸ்ணா, கே.எல்.ரி.யுதாஜித்,ஏ.எச்.ஏ.ஹுஸைன்,எஸ். பாக்கியநாதன்

மட்டக்களப்பு வாவியில் மீன்பிடிப்பதற்காக இன்று வியாழக்கிழமை அதிகாலை சென்ற  சின்ன உப்போடைக் கிராமத்தைச் சேர்ந்த 2  பிள்ளைகளின் தந்தையான கே.அழகேந்திரராஜா (வயது 62) என்பவரின் சடலம் கரையொதுங்கியுள்ளது.

இவரின் சடலம் கல்லடிப் பாலத்துக்கு அருகிலுள்ள வாவியில் கரையொதுங்கிய நிலையில் மீட்கப்பட்டதாக பொலிஸார் தெரிவித்தனர்.

சடலம் சேதமடைந்த நிலையில் காணப்படுவதன் காரணமாக குறித்த நபரை முதலை தாக்கியிருக்கலாம் எனவும் மட்டக்களப்பு பொலிஸார் தெரிவித்தனர்.

இது தொடர்பிலான விசாரணைகளை மட்டக்களப்பு பொலிஸார் மேற்கொண்டுவருகின்றனர்.