சமாதான நீதவான்களுக்கு இலட்சனை வழங்கும் நிகழ்வு

மட்டக்களப்பு மாவட்ட சமாதான நீதவான்கள் சமூக மேம்பாட்டு மய்யத்தின் சமாதான நீதவான்களுக்கான அறிமுக அடையாள இலட்சனை, காலை மண்முனைப் பற்று பிரதேச செயலக மாநாட்டு மண்டபத்தில் வைத்து நாளை மறுதினம் (19) வழங்கப்படவுள்ளதாக, சங்கத்தின் செயலாளர் சாந்திமுகைதீன் தெரிவித்தார்.

இதன்போது, மட்டக்களப்பு மாவட்டத்திலுள்ள சமாதான நீதவான்கள் ஒன்றுகூடலும் நடைபெறவுள்ளதாகவும் அவர் மேலும் தெரிவித்தார்.

இந்த வைபவத்தில் மண்முனைப் பற்று பிரதேச செயலாளர் திருமதி நமசிவாயம் சத்தியானந்தி, காத்தான்குடி பிரதேச செயலாளர் யு.உதயசிறீதர் ஆகியோர் பிரதம விருந்திநர்களாகக் கலந்துகொள்ளவுள்ளனர் எனவும் அவர் மேலும் தெரிவித்தார்.