நுளம்புகள் பெருகும் வகையில் சூழலை வைத்திருந்த 75 பேருக்கு எச்சரிக்கை

-எம்.எம்.அஹமட் அனாம்

மட்டக்களப்பு மாவட்டத்தின் வாழைச்சேனை மற்றும் ஓட்டமாவடி சுகாதார வைத்திய அதிகாரி பிரிவுகளில் மேற்கொள்ளப்பட்ட சோதனையின்போது, நுளம்புகள் பெருகும் வகையில் சூழலை வைத்திருந்ததாகக் கூறப்படும் 75 பேருக்கு எச்சரிக்கை விடுத்துள்ளதாக பொதுச் சுகாதார வைத்திய அதிகாரிகள் தெரிவித்தனர்.

தேசிய டெங்கு நுளம்புக் கட்டுப்பாட்டு வாரம் கடந்த செப்டெம்பர் மாதம் 27ஆம் திகதி முதல் இன்று திங்கட்கிழமைவரை முன்னெடுக்கப்பட்டுள்ளது.

வாழைச்சேனை சுகாதார வைத்திய அதிகாரி பிரிவில் 43 பேருக்கு எச்சரிக்கை விடுத்துள்ளதாக வாழைச்சேனை சுகாதார வைத்திய அதிகாரி ஈ.ஸ்ரீநாத் தெரிவித்தார்.

இதேவேளை, ஓட்டமாவடி சுகாதார வைத்திய அதிகாரி பிரிவில் 32 பேருக்கு எச்சரிக்கை விடுத்துள்ளதாக ஓட்டமாவடி சுகாதார வைத்திய அதிகாரி டாக்டர் எஸ்.ரீ.நஜீப்கான் தெரிவித்தார்.